Beeline үйге арналған интернеттің бағасын төмендетіп, жылдамдығын арттырды

Beeline Казахстан «Әрдайым» сымды интернетінің тарифтік жоспарларының науқандық желісін іске қосатындығы туралы жариялайды. «Үйдегі Интернет» қызметінің жарнамалық кампаниясының бетке ұстар ресми тұлғасы ретінде танымал актер әрі тележүргізуші Кумар Лукманов танылды.

Пайдаланушылар «Әрдайым» науқаны бойынша үйге арналған интернетті жоғарырақ жылдамдықпен әрі тиімдірек бағамен пайдалана алады. «Әрдайым» тарифтік жоспарларының желісі үйге арналған интернет жылдамдығының классикалық көрсеткіштерінің арттырылуымен ерекшеленеді. Жылдамдықтың жаңа дәйектелімі 20, 40, 80 және 100 Мбит/сек. Көрсеткіштердің жақсаруы қызмет бағасының айтарлықтай төмендеуімен қатар жүзеге асырылады, және бұл баға науқан қатысушысына «Үйдегі Интернет» қызметін пайдаланған бүкіл мерзімге бекітіледі.

«Біз жаңа науқанды бағаның жан-жақты шарықтауына балама ретінде іске қосуды ұйғардық. Біз «Әрдайым» кампаниясы шеңберінде жаңа және бұрынғы абоненттеріміз үшін интернет жылдамдығын арттырамыз, яғни оның сапасын жақсартамыз. Бұған қоса бағаны айтарлықтай төмендетеміз. Ең басты артықшылығы – телекоммуникациялар нарығындағы жағдай қалай өзгерсе де, интернеттің осындай бағасы науқан қатысушылары үшін әрдайым сақталады», — деп мәлімдейді «2Day Telecom» (TM Beeline) ЖШС-нің Коммерциялық директоры Сергей Нищев.

Жаңа науқанның бетке ұстар тұлғасы ретінде «Казахи» КВН командасы құрамында танымал болған белгілі шоумен Кумар Лукманов таңдалды. КВН-нен кейін Кумар «Мой лучший» («Астана» ТК), «Қызықстан» және «Ашық Пошта» («Ел Арна» ТК), «Организация определенных наций» («Рен-ТВ» ТК) телевизиялық шоу бағдарламаларында өзін табысты шоумен ретінде көрсете білді. Үйленген, үш ұлдың әкесі.

Бұрын «Үйдегі Интернет» кампаниясының бетке ұстар тұлғасы ретінде белгілі қазақстандық актриса әрі тележүргізуші Аружан Джазильбекова болатын.

«Әрдайым» науқандық тарифтік жоспарына ауысу мүмкіндігі «Үйдегі Интернет» қызметінің бұрынғы және жаңа пайдаланушыларының барлығына 2015 жылғы 26 қазаннан бастап 2016 жылғы 31 қаңтарға дейін қолжетімді. Науқандық баға Қазақстан Республикасының барлық аумағында қолданылады.


comments powered by Disqus

Топ компаний

  1. ESET  367
  2. Intel  159
  3. Лаборатория Касперского  153
  4. Microsoft  149
  5. Samsung Electronics  148
  6. Google  74
  7. Dell  60
  8. Qiwi  35
  9. Cisco Systems  27
  10. McAfee  24